தங்க ஆபரணங்களின் விலை குறையும் சாத்தியம்

அமெரிக்கப் பெடரல் வங்கியின் வட்டி உயர்வு குறித்த அறிகுறிகள் தெரியப்படுவதால், சர்வேதச சந்தையில் இன்று தங்கம் மற்றும் பிளாட்டினம் அதிகளவில் விற்பனை செய்யப்பட்டு வருகிறது.

வாரத்தின் முதல் நாள் வர்த்தகத்திலேயே தங்கம் விலை சுமார் 5 வருட சரிவை பதிவு செய்து தங்க முதலீட்டாளர்களை அதிர்ச்சிக்குள்ளாகியது.

திங்கட்கிழமை நாணய சந்தையில் வர்த்தகம் ஆரம்பித்து சில நிமிடங்களில் தங்கம் விலை சுமார் 2 சதவீதம் வரை சரிந்துள்ளது. தங்கத்தைப் போலப் பிளாட்டினம் மீதான விற்பனையும் அதிகரித்துள்ளது.

இன்று காலை ஷங்காய் கோல்டு எக்ஸ்சேஞ் சந்தையில் 900,000 லாட் தங்கம் விற்பனை செய்யப்பட்டுள்ளது. வெள்ளிக்கிழமை வர்த்தகத்தில் இதன் அளவு 27,000 ஆக இருந்தது.

சர்வதேச சந்தையில் தங்கம் விலை 2.4 சதவீதம் குறைந்து ஒரு அவுன்ஸ் தங்கம் 1,106.90 டொலருக்கு விற்கப்படுகிறது.

இந்நிலையில் பிளாட்டினம் விலை 5 சதவீதம் குறைந்து ஒரு அவுன்ஸ் 942.49 டொலராக உள்ளது.