மின்சாரம் தாக்கி 18 வயதான மாணவன் பலி !!

சிகிரிய - இனாமலுவ பிரதேசத்தில் மின்சாரம் தாக்கியதில் 18 வயதான மாணவன் ஒருவன் உயிரிழந்ததாக தெரிவிக்கப்பட்டுள்ளது.

இனமலுவ தொழிற்பயிற்சி நிலையத்தில் கல்வி கற்கும் மாணவன் ஒருவன் நேற்று முச்சக்கர வண்டியை, உயர் அழுத்த நீர் குழாயை பயன்படுத்தி சுத்தம் செய்து கொண்டிருக்கும் போது திடீர் என, சுய நினைவு இன்றி கீழே விழுந்துள்ளார்.

அவர் தம்புள்ளை வைத்தியசாலையில் அனுமதிக்கப்பட்ட பின்னர் உயிரிழந்ததாக பொலிஸ் ஊடக பிரிவு காரியாலயம் தெரிவித்துள்ளது.

மின்சாரம் தாக்கியதாலே குறித்த மரணம் இடம் பெற்றுள்ளதாக தெரியவந்துள்ளது.